Latest News

ബിനു എന്ന നമ്മുടെ നാട്ടുകാരന് മജ്ജ മാറ്റുവെക്കൽ ശസ്ത്രക്രിയക്ക് 40 ലക്ഷം ചിലവ് വരുന്നു. അതിനായി KYCC ക്ലബും ഗോത്ര കലാസമിതി കടുങ്ങല്ലൂരും സംയുക്തമായി നടത്തിയ പാട്ടുവണ്ടി 2,34,000 (രണ്ട് ലക്ഷത്തി മുപ്പതിനാലായിരം) രൂപ പിരിച്ചെടുത്തു.

സഹായിച്ചവർക്കും സഹകരിച്ചവർക്കും നന്ദി 💙💙💙

ജീവകാരുണ്യ മേഖലയിൽ KYCC ക്ലബ്ബിന്റെ നിസ്തുല സേവനത്തിന് കിഴിശ്ശേരി പാലിയേറ്റീവ് കെയറിൻ്റെ ഉപഹാരം ക്ലബ് പ്രസിഡന്റ് സ്വീകരിക്കുന്നു.

KYCC ക്ലബ്ബിന്റെ ജീവകാരുണ്യ പ്രവർത്തനങ്ങളുമായി സഹകരിച്ച എല്ലാ മാന്യ വ്യക്തികൾക്കും ക്ലബ്ബിന്റെ ഹൃദയം നിറഞ്ഞ നന്ദി രേഖപ്പെടുത്തുന്നു. ഭാവിയിലും എല്ലാ വിധ സഹായ സഹകരണങ്ങളും പ്രതീക്ഷിക്കുന്നു 💙

കെ വൈ സി സി കടുങ്ങല്ലൂർ സംഘടിപ്പിച്ച കുഴിമണ്ണ പഞ്ചായത്ത് അഞ്ചാം വർഡ് തെരഞ്ഞെടുപ്പ് പ്രവചന മത്സരവിജയികൾ സമ്മാനം വാർഡ് മെമ്പർ സുഹറയിൽ നിന്ന് സ്വീകരിക്കുന്നു.

സമ്മാന വിജയി: നസ്‌വ ഫാത്തിമ, കടുങ്ങല്ലൂർ.

പ്രോത്സാഹന സമ്മാന വിജയി: സഫൂറ, ചിറപ്പാലം.

പ്രവചന മത്സരത്തിൽ പങ്കെടുത്ത എല്ലാവര്ക്കും കെ വൈ സി സി യുടെ നന്ദി അറിയിക്കുന്നു.💙

🚨🚨🚨🚨🚨

യുദ്ധം സ്വന്തം വീട്ടുമുറ്റത്തു എത്തുന്നത് വരെ കാണാൻ നല്ല ഭംഗിയായിരിക്കും വീട്ടുമുറ്റത്തെത്തിയാൽ ക്രൂരവുമായിരിക്കും എന്ന് പറയാറുണ്ട് പലപ്പോഴും.

🔥🔥🔥🔥🔥🔥

ചൈനയിലെ വുഹാനിൽ തുടങ്ങി അന്റാർട്ടിക്കായൊഴികെയുള്ള ആറു ഭൂഖണ്ഡങ്ങളിലേക്കും ദിവസങ്ങൾ കൊണ്ട് പടർന്നു പന്തലിച്ച ഈ അടുത്ത കാലങ്ങളിൽ ലോകം കണ്ട ഏറ്റവും വിഭ്രാന്തിയെറിയ മഹാ മാരിയാണ് കോവിഡ് 19 അഥവാ കൊറോണ വൈറസ്.

ലോകത്തെവിടെ ചെന്നാലും അവിടെ ഒക്കെ ഒരു മലയാളി ഉണ്ടാവും എന്ന് നമ്മൾ അഭിമാനത്തോടെ പറയാറുണ്ടായിരുന്നു. ആ വേഗതയിൽ തന്നെയാണ് കൊറോണ കേരളത്തിലെത്തിയതും.

മലപ്പുറം ജില്ലയിൽ ഇന്നലെ രണ്ടു കൊറോണ കേസുകൾ സ്ഥിരീകരിക്കുകയും ഇരുനൂറിലധികം പേർ നിരീക്ഷണത്തിൽ ആവുകയും ചെയ്തതോടെയാണ് നമ്മളും കൂടുതൽ ജാഗരൂഗരായത്.

ഇനിയും നമ്മൾ വൈകരുത്. ഒരു നാടിനെ മനപ്പൂർവ്വം വിപത്തിലേക്ക് പറഞ്ഞയക്കരുത്. ആരോഗ്യ വകുപ്പിന്റെ നിർദ്ദേശങ്ങൾ അതുപോലെ തന്നെ നമുക്ക് അനുസരിക്കേണ്ടതുണ്ട്.

പനി, തലവേദന, തൊണ്ടവേദന, ജലദോഷം, ശ്വാസ തടസ്സം, നെഞ്ചുവേദന ഉൾപ്പടെയുള്ള പ്രാഥമിക രോഗലക്ഷണങ്ങൾ ആരിലെങ്കിലും കണ്ടു വരുകയാണെങ്കിൽ നിർബന്ധമായും ആരോഗ്യ വകുപ്പിനെ വിവരമറിയിക്കണം.

കൺട്രോൾ റൂം നമ്പർ:

0483 2733251, 0483 2733252

പ്രദേശത്തെ നിവാസികൾ മുഴുവനും സ്വന്തം വീടുകളിൽ തന്നെ കഴിഞ്ഞു കൂടുക. ചിട്ടയായ രീതിയിൽ നിരന്തരം കൈ കഴുകുകയും അത്തരം രീതികൾ കുടുംബത്തിൽ ശീലിപ്പിക്കുകയും ചെയ്യുക.

അനാവശ്യമായി അങ്ങാടികളിലേക്കോ മറ്റോ ഇറങ്ങുകയോ യാതൊരു കാരണവശാലും കൂട്ടം കൂടി നിൽക്കുകയോ സംസാരിക്കുകയോ അരുത്.

വീടുകളിൽ ഒതുങ്ങി കൂടുമ്പോൾ ഏതെങ്കിലും രീതിയിൽ ബുദ്ധിമുട്ടുകൾ നേരിടുന്നവർക്കും ആശുപത്രികളിലോ മറ്റോ പോവാൻ സൗകര്യമില്ലാത്തവർക്കും ഏതു സമയത്തും കെ വൈ സി സി വളണ്ടിയർമാരെ വിളിക്കാവുന്നതാണ്

കെ വൈ സി സി ഹെൽപ് ലൈൻ:

97458 39405, 93880 04014, 95672 69525

വൈകുന്നേരങ്ങളിലെയും പ്രഭാതങ്ങളിലെയും കളികളും നിർബന്ധമായും ഒഴിവാക്കേണ്ടതുണ്ട്.

യാത്ര ചെയ്യേണ്ട നിർബന്ധിത സാഹചര്യങ്ങളിൽ സ്വന്തം വാഹനം മാത്രം ഉപയോഗിക്കുക, കൂട്ടിനു ആളെ വിളിക്കുകയും അരുത്.

സ്ഥിരമായി ഉപയോഗിക്കുന്ന മൊബൈൽ ഫോണും മറ്റു ഗാഡ്ജറ്റ്‌സുകളും വൃത്തിയോടെ സൂക്ഷിക്കുക, കുട്ടികൾ ഉൾപ്പടെ മറ്റുള്ളവർക്ക് കൈമാറാതിരിക്കാനും നിർബന്ധമായും ശ്രദ്ധിക്കണം

വൈകുന്നേര സമയം മുതൽ രാത്രി ഇരുട്ടുന്നതു വരെ, ബസ് സ്റ്റോപ്പുകളിലും, അങ്ങാടികളിലും, മറ്റു പ്രാദേശിക ഇരിപ്പിടങ്ങളിലും സുഹൃത്തുക്കളോടൊപ്പം ഇരിക്കുന്നതും സംസാരിക്കുന്നതും കുറച്ചു ദിവസത്തേക്ക് മാറ്റി നിർത്തിയെ പറ്റൂ..

നിർബന്ധിത സാഹചര്യങ്ങളിൽ സാധനങ്ങൾ വാങ്ങി വീട്ടിൽ എത്തിയവർ കൈകൾ സോപ്പ് ഉപയോഗിച്ച് കഴുകിയതിന് ശേഷം മാത്രമേ വീടുകളിൽ എവിടെയും സ്പർശിക്കാവൂ... വീടുകളിൽ ഉള്ളവരോട് സമ്പർക്കത്തിൽ ഏർപ്പെടാനും പാടുള്ളൂ...

ഇവയൊന്നും നിങ്ങളെ ഭയപ്പെടുത്താനോ മറ്റോ പറയുന്നതല്ല. ഇതിലൊന്നും ഒട്ടും തമാശയുമില്ല.

പൂർണ്ണമായും ജാഗ്രത പുലർത്തേണ്ട സമയമാണിത്. ചെറിയ ഒരു അശ്രദ്ധ മതി കൊടുങ്കാറ്റ് പോലെ വൈറസ് നമുക്കിടയിൽ പടർന്നു പിടിക്കാൻ.

നമുക്ക് വിജയിച്ചേ തീരൂ...

പരസ്പരം അകലങ്ങൾ പാലിച്ചു കൊണ്ട് നമുക്ക് ഒന്നായ് പോരാടാം...

കെ വൈ സി സി

നിങ്ങളോടൊപ്പമുണ്ട്

കടുങ്ങല്ലുരിനൊപ്പമുണ്ട്...

ഭീതി വേണ്ട. ജാഗ്രത മതി

പ്രസിഡന്റ് / സെക്രട്ടറി

കെ വൈ സി സി കടുങ്ങല്ലൂർ

🚨🚨🚨🚨🚨🚨

ഐ ടി ഐ യിലെ 110 കെ വി സബ്സ്റ്റേഷൻ പോലും ഞെട്ടിത്തരിച്ച ഊർജ്ജസ്വലമായ പോരാട്ടം.

ആകാശം ചുവന്ന കളിയുടെ അവസാനം പോർക്കളത്തിൽ പൊരുതി വീണെങ്കിലും, ഏറ്റവും മികച്ച കളിക്കാരൻ കെ വൈ സി സി യുടെ സനു തന്നെയാണെന്ന് ഒരു കളിക്കളം കൂടെ അംഗീകരിച്ചു. സ്വർണ്ണം പൂശിയ റണ്ണേഴ്‌സ് ട്രോഫിയെക്കാളും ഞങ്ങൾ ബഹുമാനിക്കുന്നു ഈ അംഗീകാരത്തെ.

ഒരു ഗ്രാമം ഒരു മാസക്കാലം ഓടി നടന്നു നടത്തിയ കളിയരങ്ങിന്റെ അവസാന നിമിഷം, അവർ ഉള്ള് തൊട്ടൊരു ട്രോഫി കൂടെ തന്നു. ഏറ്റവും മികച്ച ടീം മാനേജർക്കുള്ള ട്രോഫി. നമ്മുടെ കൊച്ചുവിനുള്ള ട്രോഫി. ഏതൊരു കടുങ്ങല്ലൂരുകാരനും മനസ്സു നിറയുന്ന രംഗം.

ഈ രണ്ടു കുഞ്ഞു അംഗീകാരങ്ങൾ മാത്രം മതി കെ വൈ സി സി ക്ക് ഒരു ആണ്ടു മുഴുവൻ ബൂട്ടണിയാൻ 🏆⚽⚽

നാളെ സന്തോഷത്തിന്റെ ദിവസമാണ്

കലാ സാംസകാരിക സാമൂഹിക രംഗത്ത് തിളക്കമാർന്ന പ്രകടനം കാഴ്ചവെക്കുന്ന നമ്മുടെ ക്ലബ്, നാളെ കടുങ്ങല്ലൂരിൽ ഒരു പൊൻതൂവൽ കൂടി ചാർത്തുകയാണ്. KYCC KADUNGALLUR സ്പോൺസർ ചെയ്യുന്ന ബസ് വെയ്റ്റിങ് ഷെഡ്ഡ് നാളെ നാടിന് വേണ്ടി സമർപ്പിക്കുകയാണ്. ഇനി കടുങ്ങല്ലൂരിന്റെ ഹൃദയഭാഗത്ത് KYCC യുടെ പേര് ഉയത്തിപ്പിടിച്ച് ബസ് കാത്തുനില്കുന്നവർക് ഒരു ആശ്വാസമായി അവനുണ്ടാകും.